Deskrizzjoni tal-istruttura tad-dipartiment
Deskrizzjoni tal-funzjonijiet u r-responsabbiltajiet
Il-Viżjoni Tagħna
Fid-Diviżjoni dwar Nies u Standards nagħtu valur lin-nies u nagħtuhom is-setgħa biex jiksbu Servizz ta’ Eċċellenza għas-Servizz Pubbliku kollu. Permezz ta’ dan l-approċċ koeżiv, id-Diviżjoni tagħna tiżgura attenzjoni, direzzjoni u motivazzjoni ugwali kemm lin-nies li jipprovdu s-servizz, kif ukoll lill-kwalità tas-servizz mogħti lill-klijenti interni u esterni.
Il-Missjoni Tagħna
Il-viżjoni tagħna tinkiseb billi tiġi eżegwita l-People Business Strategy tas-Servizz Pubbliku permezz ta’ kollaborazzjoni kontinwa ma’ Ministeri diretti, li nqisuhom bħala s-sħab strateġiċi tagħna. Permezz ta’ delega ta’ awtorità, nistinkaw flimkien għat-twettiq ta’ politiki tar-Riżorsi Umani u sistemi tal-maniġment olistiċi, l-implimentazzjoni, is-sorveljanza u l-evalwazzjoni mill-ġdid kostanti tagħhom. Żewġ prijoritajiet ewlenin huma t-titjib kontinwu tal-prestazzjoni u l-benesseri tan-nies, u ż-żamma ta’ servizz ta’ kwalità.
Il-Valuri Tagħna
Nemmnu li għandna noffru l-eċċellenza b’mod kontinwu, nipprovdu għajnuna effettiva b’mod konsistenti u noffru servizz ekwu mwettaq bid-diliġenza dovuta, b’responsabbiltà u b’integrità.
Deskrizzjoni ġenerali tal-kategoriji ta’ dokumenti (inklużi dokumenti eżenti)
Ir-Riżorsi Umani ghandhom aċċess għal dawn id-dokumenti li huma relatati mal-kundizzjonijiet tax-xogħol, l-Ippjanar tar-Riżorsi, u l-Konformità, is-Sapport u l-Benesseri u r- Relazzjonijiet Industrijali fi ħdan is-servizz pubbliku.
Deskrizzjoni tal-manwali kollha u tipi simili ta’ dokumenti li fihom politiki, prinċipji, regoli u linji gwida li skonthom jittieħdu deċiżjonijiet jew rakkomandazzjonijiet fir-rigward ta’ membri tal-pubbliku
Il-Kodiċi dwar l-Immaniġġjar tas-Servizz Pubbliku jirregola l-imġieba tal-ufficjal pubbliku permezz ta’ diversi Manwali. Dawn imsemmija hawn isfel kollha joħorgu mill- Kodiċi dwar l-Immaniġġjar tas-Servizz Pubbliku:
- Manwal dwar l-Użu ta’ Riżorsi għal Policies u Proċeduri
- Manwal dwar il-Pożizzjoni ta’ Kap u Assistent Direttur
- Manwal dwar il-Proċedura u l-Kalkolu tas-Salarji
- Manwal tal-Allowances
- Manwal dwar Leave Speċjali
- Manwal dwar il-Miżuri favur il-Bilanċ bejn ix-Xogħol u l-Ħajja Privata
- Manwal dwar il-Proċedura tal-Bord Mediku
Il-Kodiċi dwar l-Immaniġġjar tas-Servizz Pubbliku jirregola l-immaniġjar tar-Rizorzi Umani kif ukoll id-drittijiet u d-dmirijiet tal-ufficjali pubbliċi.