Deskrizzjoni tal-istruttura tal-aġenzija
L-Aġenzija Servizz.gov hija mmexxijja mill-Kap Eżekuttiv li huwa assistit minn sitt kapijiet tad-Dipartimenti, dawk tal-Operat, Korporazzjoni u Riżorsi Umani, ICT, Relazzjonijiet Pubbliċi u Marketing, Finanzi u Akkwist, u Riċerka u Żvilupp. Fi ħdan kull dipartiment hemm ħaddiema amministrattivi u operazzjonali li jgħinu lill-kapijiet rispettivi. Minbarra l-ħaddiema tal-uffiċċju prinċipali, għadd ta’ aġenti li jaqdu l-klijenti fiċ-ċentri ta’ Servizz.gov, kif ukoll aġenti taċ-ċentru telefoniku huma involuti ukoll mal-aġenzija permezz ta’ kuntrattur privat.
Deskrizzjoni tal-funzjonijiet u r-responsabbiltajiet tal-aġenzija
Servizz.gov hija l-aġenzija li tiġbor flimkien is-servizzi governattivi kollha. Huwa pont bejn is-Servivzz Pubbliku ta’ Malta u l-pubbliku ġenerali, li jagħmel is-servizzi tal-gvern aktar aċċessibbli. Servizz.gov twaqqaf permezz ta’ Avviż Legali 171/2016.
Deskrizzjoni ġenerali tal-kategoriji ta’ dokumenti li għandha l-aġenzija (inkluż id-dokumenti eżenti)
- Dokumentazzjoni ġenerali tal-amministrazzjoni tal-uffiċċju inkluż dawk relatati mal-provvista tas-servizz, il-kwalita’, ir-riżorsi umani, il-finanzi u l-kontabilita’, l-immaniġġjar tal-kuntratti u l-proċeduri u l-proċessi tal-ICT/Data.
- Informazzjoni bażika dwar l-aġenti li qed jipprovdu s-servizz f’isem Servizz.gov, dawk fiċ-ċentru telefoniku u dawk fiċ-ċ
- Informazzjoni bażika dwar il-pubbliku ġenerali li jeħtieġ servizz individwalizzat u personalizzat mill-aġenzija, fir-rigward ta’ servizzi partikolari tal-gvern.
Deskrizzjoni tal-manwali kollha u tipi ta’ dokumenti simili li fihom proċeduri, prinċipji, regoli jew linji gwida li permezz tagħhom isiru deċiżjonijiet jew rakkomandazzjonijiet fir-rigward tal-membri tal-pubbliku (inkluż korpi korporattivi u impjegati tal-awtorita’ pubblika fil-kapaċita’ personali tagħhom)
- Il-kodiċi dwar ll-immaniġġjar tas-Servizz Pubbliku
- Ir-Regolamenti dwar il-Finanzi u l-Akkwist
- L-Att dwar l-Amministrazzjoni Pubblika
- Avviz Legali 1721/2016
- Proċeduri Operattivi interni
- Manwali tas-servizz li jintużaw mill-aġenti għall-provvista tas-servizz lill-klijenti
Dikjarazzjoni tal-informazzjoni li jeħtieġ li tkun disponibbli għall-membri tal-pubbliku li jixtiequ jiksbu aċċess għal dokumenti uffiċjali mill-awtorita’ pubblika, liema dikjarazzjoni għandha tinkludi d-dettalji tal-uffiċjal jew uffiċjali li lilhom għandhom jintbagħtu talbiet għal tali aċċess.
Uffiċjal għall-Liberta’ tal-Informazzjoni
Uffiċċju Prinċipali Servizz.gov
Victoria Centre, it-Tieni Sular,
Triq Valletta,
Il-Mosta, MST 9012
Dettalji tal-Proċedura Interna tal-ilmenti
Applikant li t-talba tiegħu għall-informazzjoni tiġi miċħuda, jew li b’xi mod ieħor ma jkunx sodisfatt bl-informazzjoni pprovduta, bil-format tagħha jew bl-estensjoni tad-data ta’ skadenza għas-sottomissjoni tan-notifika li tindika jekk talba tkunx ser tintlaqa’ jew le, jista’ jindirizza lment fl-Uffiċċju Prinċipali ta’ Servizz.gov, Victoria Centre, it-Tieni Sular, Triq Valletta, il-Mosta, MST 9012.
L-ilmenti jistghu jiġu sottomessi lill-Awtorita’ Pubblika permezz tal-posta elettronika jew permezz tal-portal tal-FOI https://foi.gov.mt permezz tal-e-ID jew permezz tal-formola online.
L-ilment għandu jiġi ndirizzat lill-Uffiċjal għall-Liberta’ tal-Informazzjoni tal-Awtorita’ Pubblika, li għandu jressaq l-ilment għall-attenzjoni tal-uffiċjal responsabbli. L-uffiċjal responsabbli għandu jwieġeb lill-applikant fi zmien għaxart ijiem tax-xogħol minn meta jirċievi l-ilment. L-applikant għandu jiġi infurmat ukoll li jista’ jappella d-deċizjoni jew inkella jindirizza lment lill-Kummissarju tal-Informazzjoni u l-Protezzjoni tad-Data skont l-Att dwar il-Liberta’ tal-Informazzjoni (Kap.496 tal-Liġijiet ta’ Malta).
L-uffiċjal responsabbli għandu jinforma lill-applikant bid-deċizjoni meħuda fir-rigward tal-ilment tiegħu u fil-każ ta’ konferma ta’ deċizjoni li ma tiġix rilaxxata l-informazzjoni pertinenti, għandu jispjega r-raġunijiet għal dan. Kull meta l-ilment tal-applikant ikun relatat mal-format tal-informazzjoni pprovduta jew ma’ estensjoni tal-iskadenza għas-sottomissjoni tan-notifika li tindika jekk talba tkunx ser tintlaqa’ jew le mill-Awtorita’ Pubblika u d-deċiżjoni oriġinali tintlaqa’, l-applikant għandu jingħata spegazzjoni għaliex l-ilment tiegħu ma jistax jiġi indirizzat b’mod pożittiv.
Applikant jista’ ukoll jagħmel użu mill-Proċedura Interna tal-ilmenti biex jirraporta n-nuqqas ta’ osservanza tal-iskadenzi jew biex jibgħat in-notifiki. F’dawk il-każijiet fejn it-talba għall-informazzjoni tista’ tiġi sodisfatta, iżda ma tkunx ġiet sodisfatta fl-iskadenzi speċifikati mill-Att, l-uffiċjal responsabbli għandu jirrinunzja kwalunkwe tariffa applikabbli għas-sottomissjoni tal-informazzjoni.
Dettalji ta’ Kuntattt tal-Awtorita’ Pubblika
Indirizz:
Victoria Centre,
Level 2,
Valletta Road,
Mosta, MST 9012
Sit Web:
Servizz.gov.mt
Indirizz Elettroniku: